SURAT EDARAN KADISDIK PROV. JAWA BARAT TENTANG KIKD BASA SUNDA 2013

http://fkmgmpbdjabar.blogspot.com/

 

     Dinas Pendidikan Provinsi Jawa Barat parantos nyusun Kompetensi Inti jeung Kompetensi Dasar (KIKD)Mata Pelajaran Basa Sunda kanggo tingkat TK/RA, SD/MI, SMP/MTs., jeung SMA/SMK/MA. Eta KIKD mangrupa bagian tina Kurikulum Daerah 2013 nu masih disusun ku Tim Pengembang Kurikulum di Dinas Pendidikan Provinsi Jawa Barat. Ku margi Kurikulum Daerah teu acan rengse disusun, saheulaanan mah mangga anggo heula KIKD anu parantos lengkep.

     Salian ti Kurikulum Daerah-na, buku babon kanggo cepengan guru sareng siswa oge nuju disusun deuih. Ananging, dugi ka ieu wawaran tayang di ieu blog, eta buku babon teu acan rengse. Saheulaanan mah urang tiasa ngamangpaatkeun rupa-rupa buku sareng sumber sanesna nu salami ieu parantos aya.

     Katangtosan perkara KIKD sareng Buku Babon dina raraga implementasi Kurikulum 2013, di Jawa Barat dipancegkeun ku Surat Edaran Kepala Dinas Pendidikan Provinsi Jawa Barat No. 423/15281-Set.Disdik, ping 5 Juli 2013, perkawis Kompetensi Inti jeung Kompetensi Dasar Mata Pelajaran Basa Sunda. Eta surat edaran minangka ngalengkepan Surat Edaran Kepala Dinas Pendidikan Provinsi Jawa Barat No. 423/2372/Set.Disdik, ping 26 Maret 2013, perkawis Pembelajaran Bahasa Daerah dina Kurikulum 2013.

     Ieu di handap dokumen SE Kadisdikprov Jabar, KIKD, sareng conto silabus Mata Pelajaran Basa Sunda pikeun TK/RA, SD/MI, SMP/MTs., jeung SMA/SMK/MA